不看回自己的blog也忘記了上次寫的日誌是有關信心問題, 今年年頭便開始問神攞禮物, 其實樂心未出世時, 有很多年的時間, 我都會問神攞生日禮物, 今年已踏入人生的第40年, 咁特別, 梗係要問神攞禮物啦!  我想要的就是有信心、一點不疑惑(不惑嘛!)。另一份就是生命的更新。

最近開始研究有關屬靈爭戰的事情, 也想神在這方面向我開啟更多。(如果你係我教會的弟兄姊妹, 又睇緊我的blog, 咁你要留意啦。因為唔知道神會唔會要我地搬去一個屬靈硬土, 如果係咁, 就真係要準備好打場硬仗la...)

今朝早3點幾就起身, 本來好想逼自己繼續瞓, 但係又唔成功!!! 神又要我起身做乜??? 開始祈禱時, 突然閃過 d 野............ , 舊年9月11日生命經歷了一次更新, 然後便開始每天早上送完囡囡返學, 便回家操練安靜等候神, 每日一個鐘, 後來, 10月就阿媽病、阿囡病, 佢地好翻之後, 就到老公屬靈低潮, 到而家都仲未好哂, 呢段期間, 佢幾乎日日都留係屋企, 我亦都係大概係個陣時就停左安靜等候神的操練!!!!!!!!!!!! 因為好唔想係屋企見佢百無聊賴的情況。

呢個念頭閃過之後, 就即刻覺得要繼續呢個操練, 當然有好多雜念啦, 不過要繼續堅持, 繼續打呢場仗。(之前睇到老公咁, 有時到好mung, 覺得佢有問題, 又想搵出問題係乜, 但原來問題出係我到, 真係要為自己的家庭爭戰。)

多謝天父透過這些爭戰建立我的信心, 我必能靠著耶穌得勝, 哈利路亞。Hurray, Hurray!

靠著耶穌得勝, 靠著耶穌得勝, 不必驚怕挫敗, 確知主恩更廣濶, 是祢帶領著我得勝!

「人沒有信心就不能得到上帝的歡心。凡是到上帝面前來的人都必須信上帝的存在, 而且信祂要報賞尋求祂的人。」

發覺自己很少 (可能是從未) 為自己向神求甚麼報賞,  但原來我是要帶着這信心來到神面前尋求祂...., 不知道神會給我甚麼報賞呢?

以便以謝

昨晚在以利亞團契聚會中敬拜時, 突然想到這兩個多月神給自己的經歷:

八月尾至九月初: 經歷個人的靈性低潮, 靠著主的恩典渡過了, 並且經歷了911 的更新..., 哈利路亞!

十月中至現在: 先後經歷身邊至親的軟弱 (身體及靈命), 雖然還未完結, 但我相信神要我在這段經歷中再一次立起以便以謝的大石, 記念神對我的幫助。哈利路亞!

更深體會到, 不論環境是從那裏來 (個人或其他人) (內在或外在), 神仍是以便以謝的神。

回父母家揳囡囡, 再回自己家, 開奶給囡囡喝 (在床上喝), 囡囡突然嘔吐....., 結果要攪一大輪, 攪掂佢、攪掂d嘔吐物、攪掂張床...., 等囡囡瞓覺先去沖涼.........。躺在床上想起昨天信息的其中一個重點: 與神建立一份不能被打斷、騷擾的關係, 於是就甚麼都不想便親近神....., 不過唔好意思, 到最後就瞓著左...!!

咁多日冇寫blog.....

終於到自己病......! 尋日睇醫生, d藥好勁....., 食到個人好眼瞓.....

睇左幾個人的blog, 好似大家都好有stress.  Hai, 自己都係啦, 有d野係令人好心痛、好嬲、好無奈, 但又唔講得.... Have mercy on me, O Lord.

媽媽照完腸, 完全冇事, (姑娘話有個好細好細的pok仔喎) 不過唔知點解會"呵血", 11月16日覆診。